Последование Литургии

Литургия оглашенных
Иерей: Благословено Царство Отца и Сына и Святаго Духа, ныне и присно и во веки веков.
Хор: Аминь.
Великая ектения
Диакон: Миром Господу помолимся.
Хор: Господи, помилуй. (На каждое прошение)
О свышнем мире и спасении душ наших, Господу помолимся.
О мире всего мира, благостоянии Святых Божиих Церквей и соединении всех, Господу помолимся.
О святем храме сем и с верою, благоговением и страхом Божиим входящих в онь, Господу помолимся.
О Блаженнейшем митрополите Германе, Высокопреосвященнейшем архиепископе Димитрии, честнем
пресвитерстве, во Христе диаконстве, о всем причте и людех, Господу помолимся.
О Богохранимей стране нашей, властех и воинстве ея, Господу помолимся.
О граде сем (или: o веси сей, если в монастыре, то: о святей обители сей), всяком граде, стране и верою
живущих в них, Господу помолимся.
О благорастворении воздухов, о изобилии плодов земных и временех мирных, Господу помолимся.
О плавающих, путешествующих, недугующих, страждущих, плененных и о спасении их, Господу помолимся.
О избавитися нам от всякия скорби, гнева и нужды, Господу помолимся.
Заступи, спаси, помилуй и сохрани нас, Боже, Твоею благодатию.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со
всеми святыми помянувше, сами себе, и друг друга, и весь живот наш Христу Богу предадим.
Хор: Тебе, Господи.
Иерей: Яко подобает Тебе всякая слава, честь и поклонение, Отцу и Сыну и Святому Духу, ныне и присно и
во веки веков.
Хор: Аминь.
Первый антифон
Благослови, душе моя, Господа./ Благословен еси, Господи. / Благослови, душе моя, Господа, / и вся
внутренняя моя/ Имя святое Его.
Благослови, душе моя, Господа, / и не забывай всех воздаяний Его.
Очищающаго вся беззакония твоя, / исцеляющаго вся недуги твоя.
Избавляющаго от истления живот твой, / венчающаго тя милостию и щедротами.
Исполняющаго во благих желание твое: / обновится, яко орля, юность твоя.
Щедр и милостив Господь, /долготерпелив и многомилостив.
Благослови, душе моя, Господа, / и вся внутренняя моя, имя святое Его. / Благословен еси, Господи.
Ектения малая
Диакон: Паки и паки миром Господу помолимся.
Хор: Господи, помилуй.
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Диакон: Пресвятую, Пречистую, Преблагословенную, Славную Владычицу нашу Богородицу и Приснодеву
Марию, со всеми святыми помянувше, сами себе, и друг друга, и весь живот наш Христу Богу предадим.
Хор: Тебе, Господи.
Иерей: Яко Твоя держава, и Твое есть Царство, и сила, и слава, Отца и Сына и Святаго Духа, ныне и присно
и во веки веков.
Хор: Аминь.
Второй антифон
Хвали, душе моя, Господа. / Восхвалю Господа в животе моем, / пою Богу моему, дондеже есмь.
Не надейтеся на князи, на сыны человеческия, / в них же несть спасения.
1
Изыдет дух его, и возвратится в землю свою: / в той день погибнут вся помышления его.
Блажен, емуже Бог Иаковль помощник его, / упование его на Господа Бога своего.
Сотворшаго небо и землю, / море и вся, яже в них.
Хранящаго истину в век, / творящаго суд обидимым, / дающаго пищу алчущим.
Господь решит окованныя, / Господь умудряет слепцы. /Господь возводит низверженныя, / Господь любит
праведники.
Господь хранит пришельцы, / сира и вдову приимет, / и путь грешных погубит.
Воцарится Господь во век, / Бог твой, Сионе, в род и род.
Слава Отцу и Сыну и Святому Духу и ныне и присно и во веки веков. Аминь.
Песнь Господу Иисусу Христу
Единородный Сыне и Слове Божий, Безсмертен Сый, / и изволивый спасения нашего ради / воплотитися от
Святыя Богородицы и Приснодевы Марии, / непреложно вочеловечивыйся; / распныйся же, Христе Боже,
смертию смерть поправый, / един Сый Святыя Троицы, / спрославляемый Отцу и Святому Духу, спаси нас.
Ектения малая
Диакон: Паки и паки миром Господу помолимся.
Хор: Господи, помилуй.
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Диакон: Пресвятую, Пречистую, Преблагословенную, Славную Владычицу нашу Богородицу и Приснодеву
Марию, со всеми святыми помянувше, сами себе, и друг друга, и весь живот наш Христу Богу предадим.
Хор: Тебе, Господи.
Иерей: Яко Твоя держава, и Твое есть Царство, и сила, и слава, Отца и Сына и Святаго Духа, ныне и присно
и во веки веков.
Хор: Аминь.
Третий антифон; Блаженны
Во Царствии Твоем помяни нас, Господи, / егда приидеши во Царствии Твоем. На 12
Блажени нищий духом, / яко тех есть Царство Небесное.
Блажени плачущии, / яко тии утешатся. На 10
Блажени кротции, / яко тии наследят землю.
Блажени алчущии и жаждущии правды, / яко тии насытятся. На 8
Блажени милостивии, / яко тии помиловани будут.
Блажени чистии сердцем, / яко тии Бога узрят. На 6
Блажени миротворцы, / яко тии сынове Божии нарекутся.
Блажени изгнани правды ради, / яко тех есть Царство Небесное. На 4
Блажени есте, егда поносят вам, / и изженут, и рекут всяк зол глагол на вы, лжуще Мене ради.
Радуйтеся и веселитеся, / яко мзда ваша многа на небесех.
Слава Отцу и Сыну и Святому Духу.
И ныне и присно и во веки веков. Аминь.
Вход с Евангелием
Диакон: Премудрость, прости. Хор: Приидите, поклонимся и припадем ко Христу. Спаси Сыне Божий,
воскресый из мертвых, поющия Ти: аллилуиа.
Тропари и кондаки "по входе"
(ниже приведены тропари и кондаки 8 гласов.
Тропари поются по гласу недели)
2
-------------------------------------------------------------------------------------------------------------Глас 1-й
Тропарь
Камени запечатану от иудей и воином стрегущим Пречистое Тело Твое, воскресл еси тридневный, Спасе,
даруяй мирови жизнь. Сего ради силы Небесныя вопияху Ти, Жизнодавче: слава воскресению Твоему,
Христе, слава Царствию Твоему, слава смотрению Твоему, Едине Человеколюбче.
[Хотя камень был запечатан иудеями, а воины стерегли Пречистое Тело Твое, Ты, Спаситель, воскрес на третий день, даруя тем
жизнь миру. Потому Силы Небесные взывали к Тебе, Податель жизни: «Слава Воскресению Твоему, Христе, слава Царству Твоему,
слава Промыслу Твоему, Единый Человеколюбец!»]
Кондак
Воскресл еси яко Бог из гроба во славе, и мир совоскресил еси, и естество человеческое яко Бога воспевает
Тя, и смерть исчезе; Адам же ликует, Владыко, Ева, ныне от уз избавляема, радуется, зовущи: Ты еси, Иже
всем подая, Христе, воскресение.
[Ты воскрес, как Бог, из гроба во славе, и мир с Собою воскресил; и естество человеческое воспевает Тебя как Бога, и смерть
исчезла; Адам ликует, Владыка, и Ева, ныне от уз избавляемая, радуется, восклицая: «Ты, Христе, даруешь всем воскресение!»]
Глас 2-й
Тропарь
Егда снизшел еси к смерти, Животе безсмертный, тогда ад умертвил еси блистанием Божества; егда же и
умершия от преисподних воскресил еси, вся силы Небесныя взываху: Жизнодавче Христе Боже наш, слава
Тебе.
[Когда Ты, Жизнь Бессмертная, сошел к смерти, тогда ад умертвил сиянием Божества; когда же Ты и умерших возвел из глубин
земли, все Небесные Силы восклицали: «Податель жизни, Христе Боже наш, слава Тебе!»]
Кондак
Воскресл еси от гроба, всесильне Спасе, и ад, видев чудо, ужасеся, и мертвии восташа. Тварь же видящи
срадуется Тебе, и Адам свеселится, и мир, Спасе мой, воспевает Тя присно.
[Воскрес Ты из гроба, всесильный Спаситель, и ад, увидев это чудо, ужаснулся, и мертвые воскресли. И род человеческий, видя это,
радуется с Тобою, и Адам веселится, и мир, Спаситель мой, прославляет Тебя непрестанно.]
Глас 3-й
Тропарь
Да веселятся небесная, да радуются земная, яко сотвори державу мышцею Своею Господь, попра смертию
смерть, первенец мертвых бысть; из чрева адова избави нас и подаде мирови велию милость.
[Да веселятся Небесные, да радуются земные, ибо явил мощь руки Своей Господь: смертью победил смерть, сделался первенцем из
мертвых; от чрева ада избавил нас и даровал миру великую милость.]
Кондак
Воскресл еси днесь из гроба, Щедре, и нас возвел еси от врат смертных; днесь Адам ликует и радуется Ева,
вкупе же и пророцы с патриархи воспевают непрестанно Божественную державу власти Твоея.
[Воскрес Ты в сей день из гроба, Милостивый, и вывел нас из врат смерти. Ныне Адам ликует и радуется Ева и вместе с ними
пророки с патриархами непрестанно воспевают Божественную силу власти Твоей.]
Глас 4-й
Тропарь
Светлую воскресения проповедь от Ангела уведевша Господни ученицы и прадеднее осуждение отвергша,
апостолом хвалящася глаголаху: испровержеся смерть, воскресе Христос Бог, даруяй мирови велию милость.
[Радостную весть о воскресении узнав от Ангела и освободившись от прародительского осуждения, Господни ученицы, торжествуя,
говорили апостолам: «Низвержена смерть, воскрес Христос Бог, дарующий миру великую милость!»]
Кондак
Спас и Избавитель мой, из гроба яко Бог воскреси от уз земнородныя и врата адова сокруши, и яко Владыка
воскресе тридневен.
[Спаситель и Избавитель мой, из гроба, как Бог, воскресил от оков на земле рожденных, и врата ада сокрушил и, как Владыка,
воскрес на третий день.]
3
Глас 5-й
Тропарь
Собезначальное Слово Отцу и Духови, от Девы рождшееся на спасение наше, воспоим вернии и поклонимся,
яко благоволи плотию взыти на Крест, и смерть претерпети, и воскресити умершия славным Воскресением
Своим.
[Слово, безначальное как Отец и Дух, от Девы родившееся для спасения нашего, воспоем, верные, и поклонимся Ему, ибо
благоволил Он плотью взойти на Крест, и претерпеть смерть, и воскресить умерших славным воскресением Своим.]
Кондак
Ко аду, Спасе мой, сошел еси, и врата сокрушивый яко Всесилен, умерших яко Создатель совоскресил еси, и
смерти жало сокрушил еси, и Адам от клятвы избавлен бысть, Человеколюбче. Темже вси зовем: спаси нас,
Господи.
[В ад сошел Ты, Спаситель мой, и сокрушив, как Всемогущий, врата его, умерших воскресил с Собою, как Творец, и жало смерти
уничтожил, и Адама от проклятия избавил, Человеколюбец. Поэтому все мы восклицаем Тебе: «Спаси нас, Господи!»]
Глас 6-й
Тропарь
Ангельския силы на гробе Твоем и стрегущия омертвеша, и стояше Мария во гробе, ищущи Пречистаго Тела
Твоего. Пленил еси ад, не искусився от него; сретил еси Деву, даруяй живот. Воскресый из мертвых,
Господи, слава Тебе.
[Ангельские силы явились при гробе Твоем, и стража омертвела, и стояла Мария в гробнице, ища Пречистое Тело Твое. Ты сковал
ад, не пострадав от него; Ты встретил деву, даруя жизнь. Воскресший из мертвых, Господи, слава Тебе!]
Кондак
Живоначальною дланию, умершия от мрачных удолий Жизнодавец воскресив всех Христос Бог, воскресение
подаде человеческому роду: есть бо всех Спаситель, Воскресение и Живот, и Бог всех.
[Источающей жизнь рукой Своей из мрачных глубин умерших всех Податель жизни Христос Бог воскресив, воскресение даровал
роду человеческому, ибо Он - Спаситель, Воскресение и Жизнь, и Бог всех.]
Глас 7-й
Тропарь
Разрушил еси Крестом Твоим смерть, отверзл еси разбойнику рай, мироносицам плач преложил еси и
апостолом проповедати повелел еси, яко воскресл еси, Христе Боже, даруяй мирови велию милость.
[Ты сокрушил Крестом Твоим смерть, открыл разбойнику рай, плач мироносиц превратил в радость и апостолам проповедовать
повелел, что Ты воскрес, Христе Боже, даруя миру великую милость.]
Кондак
Не ктому держава смертная возможет держати человеки: Христос бо сниде, сокрушая и разоряя силы ея.
Связуемь бывает ад, пророцы согласно радуются: предста, глаголюще, Спас сущим в вере, изыдите вернии в
воскресение.
[Уже не сможет больше власть смерти удерживать людей, ибо Христос сошел в ад, сокрушая и уничтожая силы ее. На ад
налагаются цепи; пророки единодушно радуются, вещая: «Явился Спаситель пребывающим в вере, выходите, верные, для
воскресения!»]
Глас 8-й
Тропарь
С высоты снизшел еси, Благоутробне, погребение приял еси тридневное, да нас свободиши страстей,
Животе и Воскресение наше, Господи, слава Тебе.
[С высоты сошел, Милосердный, погребение принял трехдневное, да нас освободишь от страданий; Жизнь и Воскресение наше,
Господи, слава Тебе!]
Кондак
Воскрес из гроба, умершия воздвигл еси, и Адама воскресил еси, и Ева ликует во Твоем воскресении, и
мирстии концы торжествуют, еже из мертвых востанием Твоим, Многомилостиве.
[Восстав из гроба, умерших Ты воздвиг и воскресил Адама, и Ева ликует о Твоем воскресении, и пределы мира празднуют Твое
воскресение из мертвых, Многомилостивый.]
---------------------------------------------------------------------------------------------------------------------------------------------
4
Иерей: Яко Свят еси, Боже наш, и Тебе славу возсылаем, Отцу и Сыну и Святому Духу, ныне и присно.
Диакон: И во веки веков. Хор: Аминь.
Трисвятое
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь. Святый Безсмертный, помилуй
нас.
Святый Боже, Святый Крепкий, Святый Бессмертный, помилуй нас.
Прокимен
Диакон: Вонмем. Иерей: Мир всем. Чтец Апостола: И духови твоему. Прокимен. Псалом Давидов, глас..
[В Богородичные праздники: “Прокимен, песнь Богородицы: Величит душа Моя Господа/ и возрадовася дух
Мой о Бозе Спасе Моем”. ]
(ниже приведены прокимны 8 гласов.
Они, как и тропари, читаются по гласу недели)
-------------------------------------------------------------------------------------------------------------------------------------Прокимны и аллилуиарии воскресные на литургии
Глас 1-й: Буди, Господи, милость Твоя на нас,/ якоже уповахом на Тя. Стих: Радуйтеся, праведнии, о
Господе, правым подобает похвала. Аллилуиа: Бог даяй отмщение мне и покоривый люди под мя. Стих:
Величай спасения царева и творяй милость Христу Своему Давиду и семени его до века.
Глас 2-й: Крепость моя и пение мое Господь./ и бысть мне во спасение. Стих: Наказуя наказа мя Господь,
смерти же не предаде мя. Аллилуиа: Услышит тя Господь в день печали, защитит тя имя Бога Иаковля. Стих:
Господи, спаси царя и услыши ны, в оньже аще день призовем Тя.
Глас 3-й: Пойте Богу нашему, пойте/ пойте Цареви нашему, пойте. Стих: Вси языцы, восплещите руками,
воскликните Богу гласом радования. Аллилуиа: На Тя, Господи, уповах, да не постыжуся во век. Стих: Буди
ми в Бога Защитителя и в дом прибежища, еже спасти мя.
Глас 4-й: Яко возвеличишася дела Твоя, Господи,/ вся премудростию сотворил еси. Стих: Благослови, душе
моя, Господа, Господи Боже мой, возвеличился еси зело. Аллилуиа: Наляцы и успевай и царствуй, истины
ради и кротости, и правды. Стих: Возлюбил еси правду и возненавидел еси беззконие.
Глас 5-й: Ты, Господи, сохраниши ны/ и соблюдеши ны от рода сего и во век. Стих: Спаси мя, Господи, яко
оскуде преподобный. Аллилуиа: Милости Твоя, Господи, во век воспою, в род и род возвещу истину Твою
усты моими. Стих: Зане рекл еси: в век милость созиждется, на небесех уготовится истина Твоя.
Глас 6-п: Спаси, Господи, люди Твоя/ и благослови достояние Твое. Стих: К Тебе, Господи, воззову, Боже
мой, да не премолчиши от мене. Аллилуиа: Живый в помощи Вышняго, в крове Бога Небеснаго водворится.
Стих: Речет Господеви: Заступник мой еси и Прибежище мое, Бог мой, и уповаю на Него.
Глас 7-й: Господь крепость людем Своим даст/Господь благословит люди Своя миром. Стих: Принесите
Господеви сынове Божии, принесите Господеви сыны овни, Аллилуиа: Благо есть исповедатися Господеви и
пети Имени Твоему, Вышний. Стих: Возвещати заутра милость Твою, и истину Твою на всяку нощь.
Глас 8-й: Помолитеся и воздадите/ Господеви Богу нашему. Стих: Ведом во Иудеи Бог, во Израили велие
Имя Его. Аллилуиа: Приидите, возрадуемся Господеви, воскликнем Богу Спасителю нашему. Стих:
Предварим лице Его во исповедании, и во псалмех воскликнем Ему.
-----------------------------------------------------------------------------------------------------------------------------------------
5
Диакон: Премудрость. Чтец: Деяний святых апостол чтение. (Или: Соборнаго послания Петрова [или:
Иоаннова, причем не принято говорить, какое это послание — первое, или второе, или третье] чтение. Или:
К римляном [К коринфяном; К галатом; К Тимофею и т.п.] послания святаго апостола Павла чтение.)
Диакон: Вонмем.
Чтение Апостола
Когда чтение закончится, иерей говорит чтецу: Мир ти. Чтец: И духови твоему.
Аллилуиа
Диакон: Премудрость. Чтец: Аллилуиа, глас...
Хор поет "Аллилуиа"- трижды на указанный глас
Иерей: Премудрость, прости, услышим святаго Евангелиа. Мир всем. Хор: И духови твоему. Диакон: От (имя)
святаго Евангелиа чтение.
Хор: Слава Тебе, Господи, слава Тебе. Иерей: Вонмем.
Чтение Евангелия
Ектения сугубая
Диакон: Рцем вси от всея души, и от всего помышления нашего рцем. Хор: Господи, помилуй.
Господи Вседержителю, Боже отец наших, молим Ти ся, услыши и помилуй. Хор: Господи, помилуй.
Помилуй нас, Боже, по велицей милости Твоей, молим Ти ся, услыши и помилуй. Хор: Господи, помилуй.
(Трижды, на каждое прошение)
Еще молимся о Блаженнейшем митрополите Германе, Высокопреосвяшеннейшем архиепископе Димитрии, и
всей во Христе братии нашей.
Еще молимся о Богохранимей стране нашей, властех и воинстве ея, да тихое и безмолвное житие поживем
во всяком благочестии и чистоте.
Еще молимся о братиях наших, священицех, священномонасех и всем во Христе братстве нашем.
Еще молимся о блаженных и приснопамятных создателех святаго храма сег о (если в монастыре: святыя
обители сея), и о всех преждепочивших отцех и братиях. зде лежащих и повсюду, православных.
Еще молимся о милости, жизни, мире, здравии, спасении, посещении, прощении и оставлении грехов рабов
Божиих. братии святаго храма сего (если в монастыре: святыя обители сея).
Еще молимся о плодоносящих и добродеющих во святем и всечестнем храме сем, труждающихся, поющих и
предстоящих людех, ожидающих от Тебе великия и богатыя милости. Иерей: Яко Милостив и
Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки
веков. Хор: Аминь.
Ектения заупокойная
Диакон: Помилуй нас, Боже, по велицей милости Твоей, молим Ти ся, услыши и помилуй. Хор: Господи
помилуй. (на каждое прошение).
Еще молимся о упокоении душ усопших рабов Божиих (имена) и о еже проститися им всякому прегрешению,
вольному же и невольному.
Яко да Господь Бог учинит души их, идеже праведнии упокояются. Милости Божия, Царства Небеснаго и
оставления грехов их у Христа, Безсмертнаго Царя и Бога нашего, просим. Хор: Подай, Господи. Диакон:
Господу помолимся. Хор: Господи, помилуй. Иерей: Яко Ты еси воскресение, и живот, и покой усопших раб
Твоих (имени), Христе Боже наш, и Тебе славу возсылаем, со Безначальным Твоим Отцем и Пресвятым и
Благим и Животворящим Твоим Духом, ныне и присно и во веки веков. Хор: Аминь.
Ектения об оглашенных
Диакон: Помолитеся, оглашеннии, Господеви. Хор: Господи, помилуй, (На каждое прошение,).
Вернии, о оглашенных помолимся, да Господь помилует их.
6
Огласит их словом истины.
Открыет им Евангелие правды.
Соединит их Святей Своей, Соборней и Апостольстей Церкви.
Спаси, помилуй, заступи и сохрани их, Боже, Твоею благодатию.
Оглашеннии, главы ваша Господеви приклоните. Хор: Тебе, Господи.
Да и тии с нами славят пречестное и великолепое Имя Твое, Отца и Сына и Святаго Духа, ныне и присно и
во веки веков. Хор: Аминь. Диакон: Елицы оглашеннии, изыдите, оглашеннии, изыдите; елицы оглашеннии,
изыдите. Да никто от оглашенных, елицы вернии, паки и паки миром Господу помолимся. Хор: Господи,
помилуй.
Литургия верных
Ектении
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Диакон: Премудрость.
Иерей: Яко подобает Тебе всякая слава, честь и поклонение, Отцу и Сыну и Святому Духу, ныне и присно и
во веки веков.
Хор: Аминь.
Диакон: Паки и паки миром Господу помолимся. Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Диакон: Премудрость.
Иерей: Яко да под державою Твоею всегда храними, Тебе славу возсылаем, Отцу и Сыну и Святому Духу,
ныне и присно и во веки веков.
Хор: Аминь
Херувимская песнь
Иже Херувимы тайно образующе и Животворящей Троице Трисвятую песнь припевающе, всякое ныне
житейское отложим попечение...
Великий вход
Иерей: Вас и всех православных христиан да помянет Господь Бог во Царствии Своем, всегда, ныне и
прирно и во веки веков.
Хор: Аминь. Яко да Царя всех подымем ангельскими невидимо дориносима чинми. Аллилуиа, аллилуиа,
аллилуиа.
Просительная ектения
Диакон: Исполним молитву нашу Господеви.
Хор: Господи, помилуй. (На каждое прошение).
О предложенных честных Дарех Господу помолимся.
О святем храме сем и с верою, благоговением и страхом Божиим входящих в онь, Господу помолимся.
О избавитися нам от всякия скорби, гнева и нужды, Господу помолимся.
Заступи, спаси, помилуй и сохрани нас, Боже, Твоею благодатию.
Дне всего совершенна, свята, мирна и безгрешна, у Господа просим.
Хор: Подай, Господи. (На каждое прошение).
Ангела мирна, верна наставника, хранителя душ и телес наших, у Господа просим.
Прощения и оставления грехов и прегрсшений наших, у Господа просим.
Добрых и полезных душам нашим и мира мирови, у Господа просим.
Прочее время живота нашего в мире и покаянии скончати, у Господа просим.
Христианския кончины живота нашего, безболезнены, непостыдны, мирны, и добраго ответа на Страшном
7
Судищи Христове, просим.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со
всеми святыми помянувше, сами себе, и друг друга, и весь живот наш Христу Богу предадим.
Хор: Тебе, Господи.
Иерей: Щедротами Единороднаго Сына Твоего, с Нимже благословен еси, со Пресвятым и Благим и
Животворящим Твоим Духом, ныне и присно и во реки веков.
Хор: Аминь. Иерей: Мир всем. Хор: И духови твоему. Диакон: Возлюбим друг друга, да единомыслием
исповемы.
Хор: Отца и Сына и Святаго Духа, Троицу Единосущую и Нераздельную. Диакон: Двери, двери,
премудростию вонмем
Символ веры Хор (или все молящиеся):
Верую во Единаго Бога Отца Вседержителя,/ Творца небу и земли, видимым же всем и невидимым./ И во
Единаго Господа Иисуса Христа, Сына Божия,/ Единороднаго, Иже от Отца рожденнаго прежде всех век./
Света от Света, Бога истинна от Бога истинна,/ рожденна, несотворенна, единосущна Отцу, Имже вся быша.
/Нас ради, человек, и нашего ради спасения сшедшаго с Небес,/ и воплотившагося от Духа Свята и Марии
Девы, и вочеловечшася./ Распятаго же за ны при Понтийстем Пилате,/ и страдавша, и погребена и
воскресшаго в третий день по Писанием./ И восшедшаго на Небеса, и седяща одесную Отца./ И паки
грядущаго со славою судити живым и мертвым, Его же Царствию не будет конца./ И в Духа Святаго, Господа
Животворящаго, Иже от Отца исходящаго,/ Иже со Отцем и Сыном спокланяема и сславима, глаголавшаго
пророки./ Во едину Святую Соборную и Апостольскую Церковь./ Исповедую едино Крещение во оставление
грехов./ Чаю воскресения мертвых,/ и жизни будущаго века. Аминь.
Евхаристический канон.
(самая важная часть Литургии, во время которой происходит преложение Святых Даров)
Диакон: Станем добре, станем со страхом, вонмем, Святое Возношение в мире приносити .
Хор: Милость мира, Жертву хваления.
Иерей: Благодать Господа нашего Иисуса Христа, и любы Бога и Отца, и причастие Святаго Духа, буди со
всеми вами. Хор: И со духом твоим.
Иерей: Горе имеим сердца.
Хор: Имамы ко Господу.
Иерей: Благодарим Господа.
Хор: Достойно и праведно есть покланятися Отцу и Сыну и Святому Духу, Троице Единосущной и
Нераздельней. Иерей: Победную песнь ноюще, вопиюще, взывающе и глаголюще:
Хор: Свят, Свят, Свят Господь Саваоф, исполнь Небо и земля славы Твоея; осанна в вышних, благословен
Грядый во Имя Господне, осанна в вышних.
Иерей: Приимите, ядите, Сие есть Тело Мое, еже за вы ломимое во оставление грехов.
Хор: Аминь. Иерей: Пийте от нея вси, сия есть Кровь Моя Новаго Завета, яже за вы и за многи изливаемая
во оставление грехов. Хор: Аминь.
Иерей: Твоя от Твоих Тебе припосяще о всех и за вся.
Хор: Тебе поем. Тебе благословим, Тебе благодарим, Господи, и молим Ти ся. Боже наш.
Иерей: Изрядно о Пресвятей, Пречистей, Преблагословенней, Славней Владычице нашей Богородице и
Приснодеве Марии.
Хор: Достойно есть, яко воистинну блажити Тя, Богородицу, Присноблаженную и Пренепорочную и Матерь
Бога нашего. Честнейшую Херувим и Славнейшую без сравнения Серафим, без истления Бога Слова
рождшую, сущую Богородицу Тя величаем.
Иерей: В первых помяни Господи, Блаженнейшего Германа, архиепископа Вашингтонского и Нью-Йорского,
митрополита всея Америки и Канады, и Господина нашего Высокопреосвященнейшего Димитрия,
архиепископа Далласского и Всего Юга, ихже даруй святым Твоим Церквам в мире, целых, честных,
8
здравых, долгоденствующих, право правящих слово Твоей истины.
Хор: И всех и вся. Иерей: И даждь нам единеми усты и единем сердцем славити и воспевати Пречестно е и
Всликолепое Имя Твое, Отца и Сына и Святаго Духа, ныне и присно и во веки веков.
Хор: Аминь. Иерей: И да будут милости Великаго Бога и Спаса нашего Иисуса Христа со всеми вами.
Хор: И со духом твоим.
Ектения просительная
Диакон: Вся святыя помянувше, паки и паки миром Господу помолимся.
Хор: Господи, помилуй. (На каждое прошение).
О принесенных и освященных Честных Дарех, Господу помолимся.
Яко да Человеколюбец Бог наш, приемь я во святый, и пренебесный, и мысленный Свой Жертвенник, в воню
благоухания духовнаго, возниспослет нам Божественную благодать и дар Святаго Духа, помолимся.
О избавится нам от всякия скорби, гнева и нужды, Господу помолимся.
Заступи, спаси, помилуй и сохрани нас, Твоею благодатию.
Дне всего совершенна, свята, мирна и безгрешна,.у Господа просим.
Хор: Подай, Господи. (На каждое прошение).
Диакон: Ангела мирна, верна наставника, хранителя душ и телес наших, у Господа просим.
Прощения и оставления грехов и прегрешений наших, у Господа просим.
Добрых и полезных душам нашим и мира мирови, у Господа просим.
Прочее время живота нашего в мире и покаянии скончати у Господа просим.
Христианския кончины живота нашего, безболезнены, непостыдны, мирны, и добраго ответа на Страшнем
Судищи Христове, просим.
Соединение веры и причастие Святаго Духа испросивше, сами себе, и друг друга, и весь живот наш Христу
Богу предадим.
Хор: Тебе, Господи.
И сподоби нас, Владыко, со дерзновением, неосужденно смети призывати Тебе, Небеснаго Бога Отца, и
глаголати:
Отче наш
Хор (или все молящиеся): Отче наш, Иже еси на Небесех! Да святится Имя Твое, да приидет Царствие Твое,
да будет воля Твоя, яко на небеси и на земли. Хлеб наш насущный даждь нам днесь, и остави нам долги
наша, якоже и мы оставляем должником нашим; и не введи нас во искушение, но избави нас от лукаваго.
Иерей: Яко Твое есть Царство, и сила, и слава. Отца и Сына и Святаго Духа, ныне и присно и во веки веков.
Хор: Аминь.
Иерей: Мир всем.
Хор: И духови твоему. Диакон: Главы ваша Господеви приклоните
Хор: Тебе, Господи. Иерей: Благодатию, и щедротами, и человеколюбием Единороднаго Сына Твоего, с
Нимже благословен еси, со Пресвятым и Благим и Животворящим Твоим Духом, ныне и присно и во веки
веков.
Хор: Аминь. Диакон: Вонмем.
Иерей: Святая святым.
Хор: Един Свят, един Господь Иисус Христос, во славу Бога Отца. Аминь.
Причастны
В воскресенье: Хвалите Господа с небес, хвалите Его в вышних. Аллилуиа, аллилуиа, аллилуиа.
Причащение священнослужителей
9
Открываются царские врата.
Диакон, вынося Святую Чашу, возглашает: Со страхом Божиим и верою приступите!
Хор: Благословен Грядый во Имя Господне, Бог Господь и явися нам.
Иерей (и с ним все, желающие причаститься):
Верую, Господи, и исповедую, яко Ты еси воистину Христос, Сын Бога живаго, пришедый в мир грешныя
спасти, от них же первый есмь аз. Еще верую, яко Cие есть самое Пречистое Тело Твое, и сия есть самая
Честная Кровь Твоя. Молюся убо Тебе: помилуй мя, и прости ми прегрешения моя, вольная и невольная,
яже словом, яже делом, яже ведением и неведением, и сподоби мя неосужденно причаститися Пречистых
Твоих таинств, во оставление грехов, и в Жизнь Вечную. Аминь.
Вечери Твоея Тайныя днесь, Сыне Божий, причастника мя приими; не бо врагом Твом тайну повем, ми
лобзания Ти дам, яко Ииуда, на яко разбойник исповедаю Тя: помяни мя, Господи, во Царствии Твом.
Да не в суд или во осуждение будет мне причащение Святых Таин, Господи, но во исцеление души и тела.
Аминь.
Причащение мирян
Хор (во время причащения): Тело Христово приимите, Источника безсмертнаго вкусите.
Иерей: Спаси, Боже, люди Твоя и благослови достояние Твое,
Подносится кадило в алтаре.
Хор: Видехом Свет истинный,/ прияхом Духа Небеснаго,/ обретохом веру истинную,/ Нераздельней Троице
покланяемся:/ Та бо нас спасла есть.
Иерей: Всегда, ныне и присно и во веки веков.
Хор: Аминь. Да исполнятся уста наша/ хваления Твоего, Господи,/ яко да поем славу Твою,/ яко сподобил
еси нас причаститися/ Святым Твоим, Божественным, Безсмертным и Животворящим Тайнам;/ соблюди нас
во Твоей святыни,/ весь день поучатися правде Твоей./Аллилуиа, аллилуиа, аллилуиа.
Ектения
Диакон: Прости приимше Божественных, Святых, Пречистых, Безсмертных, Небесных и Животворящих,
Страшных Христовых Тайн, достойно благодарим Господа.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
День весь совершен, свят, мирен и безгрешен испросивше, сами себе, и друг друга, и весь живот наш Христу
Богу предадим.
Хор: Тебе, Господи.
Иерей: Яко Ты еси Освящение наше, и Тебе славу возсылаем, Отцу и Сыну и Святому Духу, ныне и присно и
во веки веков, Хор: Аминь. Иерей: С миром изыдем,
Хор: О имени Господни.
Диакон: Господу помолимся. Хор: Господи, помилуй.
Молитва заамвонная
Иерей (стоя пред амвоном): Благословляяй благословящия Тя, Господи, и освящаяй на Тя уповающия, спаси
люди Твоя и благослови достояние Твое, исполнение Церкве Твоея сохрани, освяти любящия благолепие
дому Твоего; Ты тех возпрослави Божественною Твоею силою, и не остави нас, уповающих на Тя. Мир
мирови Твоему даруй, Церквам Твоим, священником, воинству и всем людем Твоим. Яко всякое даяние
благо, и всяк дар совершен свыше есть, сходяй от Тебе, Отца Светов; и Тебе славу, и благодарение, и
поклонение возсылаем, Отцу и Сыну и Святому Духу, ныне и присно и во веки веков.
Хор: Аминь. Буди Имя Господне благословено отныне и до века (Tрижды)
10
Псалом 33
Хор: Благословлю Господа на всякое время,/ выну хвала Его во устех моих. О Господе похвалится душа
моя./да услышат кротции, и возвеселятся. Возвеличите Господа со мною,/ и вознесем Имя Его вкупе.
Взысках Господа, и услыша мя,/ и от всех скорбей моих избави мя. Приступите к Нему и просветитеся,/ и
лица ваша не постыдятся. Сей нищий воззва, и Господь услыша и,/ и от всех скорбей его спасе и. Ополчится
ангел Господень окрест боящихся Его,/ и избавит их. Вкусите, и видите, яко благ Господь;/ блажен муж, иже
уповает Нань. Бойтеся Господа вси святии Его,/ яко несть лишения боящимся Его. Богатии обнищаша и
взалкаша:/ взыскающии же Господа не лишатся всякаго блага. Приидйте, чада, послушайте мене,/ страху
Господню научу вас. Кто есть человек хотяй живот,/ любяй дни видети благи? Удержи язык твой от зла,/ и
устне твои, еже не глаголати льсти. Уклонися от зла, и сотвори благо,/ взыщи мира, и пожени и. Очи
Господни на праведныя/ и уши Его в молитву их. Лице же Господне на творящия злая,/ еже потребити от
земли память их. Воззваша праведнии, и Господь услыша их,/ и от всех скорбей их избави их. Близ Господь
сокрушенных сердцем,/ и смиренныя духом спасет. Многи.скорби праведным,/ и от всех их избавит я
Господь. Хранит Господь вся кости их, ни едина от них сокрушится. Смерть грешников люта,/ и ненавидящии
праведнаго прегрешат. Избавит Господь души раб Своих,/ и не прегрешат вси уповающий на Него.
Иерей: Благословение Господне на вас. Того благодатию и человеколюбием, всегда, ныне и присно и во
веки веков.
Хор: Аминь. Иерей: Слава Тебе, Христе Боже, Упование наше, слава Тебе.
Хор: Слава, и ныне. Господи, помилуй (Трижды). Благослови.
Отпуст
Иерей произносит отпуст. В воскресенье: Воскресый из мертвых, Христос, истинный Бог наш, молитвами
Пречистый Своея Матере, святых славных и всехвальных Апостол, иже во святых отца нашего Иоанна,
архиепископа Константина града, Златоустаго (или: св. Василия Великаго, архиепископа Кесарии
Каппадокийския), и святаго (храма и святого, которого память в этот день), святых и праведных Богоотец
Иоакима и Анны и всех святых, помилует и спасет нас, яко Благ и Человеколюбец.
Многолетие
Хор: Господина нашего, Блаженнейшего Германа, /
Архиепископа Вашингтонского, /
Митрополита Всея Америки и Канады, /
Первоиерарха Православныя Церкве в Америке; /
И Господина нашего Высокопреосвященнейшего Димитрия /
Архиепископа Далласского и Всего Юга; /
Страну нашу Американскую, Правителей и Воинство ея; /
Богохранимую Страну Российскую, /
Настоятеля и Прихожан Святаго Храма сего, /
И вся Православныя Христианы. / /
Господи, Сохрани их на Многая Лета.
11
БЛАГОДАРСТВЕННЫЕ МОЛИТВЫ
ПО СВЯТОМ ПРИЧАЩЕНИИ
Слава Тебе, Боже. Слава Тебе, Боже. Слава Тебе, Боже.
Благодарственная молитва, 1-я
Благодарю Тя, Господи Боже мой, яко не отринул мя еси грешнаго, но общника мя быти святынь
Твоих сподобил еси. Благодарю Тя, яко мене недостойнаго, причаститися пречистых Твоих и
небесных Даров сподобил еси. Но Владыко Человеколюбче, нас ради умерый же и воскресый, и
даровавый нам страшная сия и животворящая Таинства, во благодеяние и освящение душ и телес
наших, даждь быти сим и мне во исцеление души же и тела, во отгнание всякаго сопротивнаго, в
просвещение очию сердца моего, в мир душевных моих сил, в веру непостыдну, в любовь
нелицемерну, во исполнение премудрости, в соблюдение заповедей Твоих, в приложение
Божественныя Твоея благодати, и Твоего Царствия присвоение, да во святыни Твоей теми
сохраняемь, Твою благодать поминаю всегда, и не ктому себе живу, но Тебе, нашему Владыце и
Благодетелю; и тако сего жития изшед о надежди живота вечнаго, в присносущный достигну
покой, идеже празднующих глас непрестанный, и безконечная сладость зрящих Твоего лица
доброту неизреченную. Ты бо еси истинное желание, и неизреченное веселие любящих Тя, Христе
Боже наш, и Тя поет вся тварь во веки. Аминь.
[«Благодарю Тебя, Господи, Боже мой, что Ты не отверг меня, грешника, но сподобил приобщиться
Твоих Святынь. Благодарю Тебя, что Ты сподобил меня, недостойного, причаститься Пречистых небесных
Даров Твоих. Но, Владыка Человеколюбец, умерший за нас и воскресший и даровавший нам эти страшные
оживляющие Тайны во благодеяние и освящение душ и тел наших; дай, чтобы они были и мне в исцеление
души и тела, в отгнание всякого врага, в просвещение очей сердца моего, в мир душевных моих сил, в веру
твердую, в любовь нелицемерную, в приумножение премудрости, в соблюдение заповедей Твоих, в
умножение Божественной Твоей благодати и в приобретение царства Твоего, чтобы, будучи сохраняем ими
в чистоте пред Тобою, я всегда помнил милость Твою и жил уже не для себя, а для Тебя, нашего Владыки и
Благодетеля. И таким образом, ушедши из здешней жизни в надежде на жизнь вечную, я достиг бы вечного
покоя, где не умолкают голоса торжествующих и бесконечная радость взирающих на несказанную красоту
Твоего лица. Ибо Ты – истинная цель, стремление и неизъяснимая радость любящих Тебя, Христе Боже
наш, и Тебя воспевает все творение вовеки. Аминь».]
Молитва святаго Василия Великого, 2-я
Владыко Христе Боже, Царю веков и Содетелю всех, благодарю Тя о всех, яже ми еси подал
благих, и о причащении пречистых и животворящих Твоих Таинств. Молю убо Тя, Блаже и
Человеколюбче: сохрани мя под кровом Твоим, и в сени крилу Твоею. И даруй ми чистою
совестию, даже до последняго моего издыхания, достойно причащатися Святынь Твоих, во
оставление грехов и в жизнь вечную. Ты бо еси Хлеб животный, источник святыни, податель
благих, и Тебе славу возсылаем, со Отцем и Святым Духом, ныне и присно, и во веки веков.
Аминь.
[«Владыка, Христе Боже, Царь веков и Создатель всего мира! Благодарю Тебя за все блага, которые Ты
дал мне, и за причащение пречистых и дающих жизнь Твоих Таин. И вот, я молю Тебя, Милостивый
Человеколюбец: сохрани меня под защитою Твоею в тени крыльев Твоих, и дай мне с чистою совестью до
последнего моего вздоха достойно причащаться Святынь Твоих в отпущение грехов и жизнь вечную. Ибо
Ты – Хлеб жизни, Источник освящения, Податель благ. И Тебе мы воссылаем славу с Отцем и Святым
Духом, ныне и всегда и во веки веков. Аминь».]
12
Молитва Симеона Метафраста, 3-я
Давый пищу мне плоть Твою волею, огнь сый и опаляяй недостойныя, да не опалиши мене,
Содетелю мой; паче же пройди во уды моя, во вся составы, во утробу, в сердце. Попали терние
всех моих прегрешений. Душу очисти, освяти помышления. Составы утверди с костьми вкупе.
Чувств просвети простую пятерицу. Всего мя спригвозди страху Твоему. Присно покрый, соблюди
же, и сохрани мя от всякаго дела и слова душетленнаго. Очисти, и омый, и украси мя: удобри,
вразуми, и просвети мя. Покажи мя Твое селение единаго Духа, и не ктому селение греха. Да яко
Твоего дому входом причащения, яко огня мене бежит всяк злодей, всяка страсть. Молитвенники
Тебе приношу вся святыя, чиноначалия же безплотных, Предтечу Твоего, премудрыя апостолы, к
сим же Твою нескверную, чистую Матерь, ихже мольбы, Благоутробне, приими, Христе мой, и
сыном света соделай Твоего служителя. Ты бо еси освящение, и Единый наших, Блаже, душ и
светлость, и Тебе лепоподобно яко Богу и Владыце славу вси возсылаем на всяк день.
[«Ты, добровольно давший в пищу мне Плоть Твою, Ты, огонь, сожигающий недостойных, не сожги меня,
Создатель мой. Но пройди в члены тела моего, во все суставы, во внутренности, в сердце, и сожги терние
всех моих грехов; душу очисти, мысли освяти; укрепи в коленах ноги мои; просвети пять моих главных
чувств; всего утверди меня в страхе пред Тобою. Всегда защищай, охраняй, береги меня от всякого
вредного для души дела и слова. Очищай, омывай, устрояй меня; украшай, вразумляй и просвещай меня.
Сделай меня Твоим храмом единого духа и уже не жилищем греха, чтобы после принятия Святых Тайн
всякий злодей, всякая страсть бежали от меня, как от дома Твоего, как от огня. Ходатаями за себя я
представляю Тебе всех святых, начальников бесплотных Сил, Предтечу Твоего, премудрых апостолов и,
сверх их, Твою Непорочную, Пречистую Матерь. Их молитвы, Милосердный Христе мой, приими и сделай
раба Твоего сыном Света. Ибо Ты, Милостивый, единое освящение и сияние душ наших и Тебе прилично,
как Богу и Владыке, мы все ежедневно воссылаем славу».]
Молитва 4-я
Тело Твое Святое, Господи Иисусе Христе Боже наш, да будет ми в живот вечный, и Кровь Твоя
Честная во оставление грехов: буди же ми благодарение сие в радость, здравие и веселие; в
страшное же и второе пришествие Твое сподоби мя, грешнаго, стати одесную славы Твоея,
молитвами Пречистыя Твоея Матери, и всех святых.
[«Тело Твое Святое, Господи Иисусе Христе, Боже наш, да будет мне в жизнь вечную и Драгоценная
Кровь Твоя в оставление грехов, и да будет мне это причащение в радость, здоровье и веселие. И удостой
меня, грешного, в страшное второе пришествие Твое стать справа славы Твоей, по молитвам Пречистой
Твоей Матери и всех святых».]
Молитва 5-я, ко Пресвятой Богородице
Пресвятая Владычице Богородице, свете помраченныя моея души, надеждо, покрове, прибежище,
утешение, радование мое, благодарю Тя, яко сподобила мя еси недостойнаго, причастника быти
Пречистаго Тела, и Честныя Крове Сына Твоего. Но рождшая истинный Свет, просвети моя умныя
очи сердца; Яже источник безсмертия рождшая, оживотвори мя умерщвленнаго грехом; Яже
милостиваго Бога любоблагоутробная Мати, помилуй мя, и даждь ми умиление, и сокрушение в
сердце моем, и смирение в мыслех моих, и воззвание в пленениих помышлений моих; и сподоби
мя до последняго издыхания, неосужденно приимати Пречистых Таин освящение во исцеление же
души и тела. И подаждь ми слезы покаяния и исповедания, во еже пети и славити Тя во вся дни
живота моего, яко благословенна и препрославленна еси во веки. Аминь.
[«Пресвятая Владычица Богородица, свет помраченной моей души, надежда, зашита, прибежище,
утешение, радость моя, благодарю Тебя, что Ты удостоила меня, недостойного, причаститься Пречистого
Тела и Драгоценной Крови Сына Твоего. Родившая истинный Свет, просвети духовные очи сердца моего.
Родившая Источник бессмертия, оживи меня, умерщвленного грехом. Милосердного Бога любящая
милосердие Матерь, помилуй меня и дай мне умиление и сокрушение в сердце моем, смирение в мыслях,
возвращение к благим помыслам моего рассудка в случаях его увлечения, и удостой меня до последнего
моего вздоха, не подвергаясь осуждению, принимать Святыню Пречистых Тайн в исцеление души и тела; и
подай мне слезы покаяния и благодарения, чтобы я воспевал и прославлял Тебя во все дни жизни моей, так
как Ты благословенна и прославлена во веки веков. Аминь».]
13
Ныне отпущаеши раба Твоего, Владыко, по глаголу Твоему с миром, яко видеста очи мои спасение
Твое, еже еси уготовал пред лицем всех людей, свет во откровение языков и славу людей Твоих
Израиля.
[«Ныне отпускаешь раба Твоего, Владыка, по слову Твоему с миром; ибо видели очи мои спасение Твое,
которое Ты приготовил пред лицем всех народов, свет к просвещению язычников и славу народа Твоего
Израиля».]
Трисвятое. Пресвятая Троице… Отче наш…
Тропарь святому Иоанну Златоустому, глас 8-й
Уст твоих, якоже светлость огня, возсиявши благодать, вселенную просвети; не сребролюбия
мирови сокровища сниска, высоту нам смиренномудрия показа, но твоими словесы наказуя, отче
Иоанне Златоусте, моли Слова Христа Бога спастися душам нашим.
[«Из уст твоих, как свет огня, воссиявшая благодать просветила вселенную; не сокровище сребролюбия
приобрела она миру, но показала нам высоту твоего смиренномудрия, отче Иоанн Златоуст, уча нас своими
писаниями, моли Слово – Христа Бога о спасении наших душ».]
Кондак, глас 6-й
Слава: От небес приял еси Божественную благодать, и твоими устнами вся учиши покланятися в
Троице Единому Богу, Иоанне Златоусте всеблаженне, преподобне, достойно хвалим тя: еси бо
наставник, яко Божественная являя.
[«Благочестивый, блаженнейший Иоанн Златоуст, ты принял с небес Божественную благодать и учишь
своими устами всех поклоняться в Троице Одному Богу. По достоинству хвалим тебя, ибо ты –
руководитель, уясняющий божественное».]
И ныне: Предстательство христиан непостыдное, ходатайство ко Творцу непреложное, не презри
грешных молений гласы, но предвари, яко Благая, на помощь нас, верно зовущих Ти: ускори на
молитву и потщися на умоление, предстательствующи присно, Богородице, чтущих Тя.
[«Надежная защита христиан, неизменная ходатайница пред Творцом, не презри молитвеннего голоса
грешников, но поспеши, Милостивая, на помощь нам, с верою взывающим к Тебе: поторопись на
заступление и поспеши на молитву, Богородица, всегда защищающая почитающих Тебя».]
Господи, помилуй. (12 раз). Слава и ныне:
Честнейшую Херувим и славнейшую без сравнения Серафим, без истления Бога Слова рождшую,
сущую Богородицу Тя величаем.
После причащения да пребывает каждый в чистоте, воздержании и немногословии, чтобы
достойно сохранить в себе принятого Христа.
14